 | చందిమరసు వచనాలు | సకలేశ మాదిరాజు (మాదరస) |  |
మడివాళ మాచిదేవుడు, మడివాలు మాచిదేవుని సమయాచారపు మల్లికార్జునుడు, మధువయ్య వచనాలు |
సూచిక (index) |
| ఎంపిక చేసుకున్న వచన |
|---|
మడివాళ మాచిదేవుడుఅంగలింగ సంబంధం కావలెనన్న కపటుల మాటలను వినరాదు అంగలింగ సంబంధం అవసరమేమి మనస్సు లింగాల సంబంధం ఏర్పడనంతవరకు? మనస్సు మహత్తులో నిలిచిన పిదప లింగ సంబంధమెంతటిది చెప్పుమా, కలిదేవరదేవ! / 1882 |
| అంధకారపు దిశ నుండి చందమామ వెలిగింది నిందకుల పల్కులను త్రిప్పికొట్టేందుకు శివభక్తి ప్రకాశించిందించింది ఔనంటే కాదను వాదానికీడ్చే వారిని, కుతర్కంతో యమలోక పథకులతో కూడి నానాజన్మల కెక్కనీక శివాచార పథమును చూపించుమయ్యా కలిదేవరదేవ! / 1883 |
| ఎఱుక నెరిగితినని క్రియను విడువరాదు మాధుర్యానికి మాధుర్యం చేరితే రుచికి కొరత ఉండునా? ద్రవ్యానికి ద్రవ్యం చేరితే పేదతనానికి ఎడముంటుందా? నీవు చేసే పనిలో శివపూజాభావన ముండాలి అది కలిదేవర దేవుని కూటము, చందయ్యా ! / 1884 |
| ఆ మహాలింగవంతు డొకడే తిన్నాడన వద్దు అతని దంతాలన్నీ పంకికారులు అతని నడుమన ఉండే కాంతిరూపము నీవు కనుమా? కలిదేవయ్యా ! / 1885 |
| ఆశాపాశములను విడిచితే ఏమయ్యా? రోషపాశాన్ని విడువనంత వరకు? రోషపాశాన్ని విడిచితే ఏమయ్యా? మాయాపాశమును విడువనంత వరకు? ఈ రీతి త్రివిధపాశమును తెంచి నిజము నందిన లింగైక్యులను చూపుమురా కలిదేవర దేవా! / 1886 |
| చంపరాదు ప్రాణిని నిందింపరాదు పరులను ఎవరి గుట్టును ఎత్తి మాటాడరాదు పర వధువును చూచి మరులు గొనకుంటే శివలోకమే కరతలామలకం అన్నాడు కలిదేవర దేవుడు. / 1887 |
| పగలు రే లెరుగని అంధుని చేతిలో చేతి దీపం ఉంటే ఏమి? దారి చూచి నడువ గలదా? గురుచర పరమును ఎరుగని దురాచారి చేతిలో లింగమున్న నేమి? వాడు సత్య సదాచారములు కల భక్తిపరులకు సాటివచ్చునా? అతడు శివభక్తుడై చెడిపోయిన విధ మెటువంటిదంటే భక్తుల ఇంట్లో దూరి తిన్న కుక్క తిరిగి మరల హేయానికి పరిగెత్తినట్లన్నాడు కలిదేవయ్య! / 1888 |
| తింటే భూత మంటారు తినకుంటే చకోరి అంటారు ఊళ్ళో ఉంటే సంసారి అంటారు అడవిలో ఉంటే మర్కట మంటారు మాట్లాడితే వదరుబోతు అంటారు మాట్లాడకపోతే నంగనాచి అంటారు నిద్రపోకుంటే చోరుడంటారు నిద్రపోతే జడదేహి అంటారు ఇట్లు వసుధలో ఈ ఎనిమిది విధాలను పోగొట్టుకోవటం మన వశం కాదు, చూడరా! కలిదేవర దేవా! / 1889 |
| ఎక్కడా, ఎప్పుడూ ప్రాణిని చంపకుండుటే ధర్మము దేన్నైనా వద్దనుటే తపము పరవధువుపై ఆశకు మనసులో తావు లేనప్పుడు దేవుడు తాను అక్కడే ఉంటాడని అన్నాడు కలిదేవయ్యా. / 1890 |
| ఈకలు కట్టని బాణం గురిని తాకగలదా? గురు లింగ జంగముల పాద తీర్థ ప్రసాదమును తెలియకనే పరమును చూచానన్న దురాచారుల ముఖాలను చూడజాలనన్నవాడు మన కలిదేవర దేవయ్య. / 1891 |
[1] Vachanas selected from the book "VACHANA" (Edited in Kannada Dr. M. M. Kalaburgi), Telugu Version Translation by: G. Chandrasekhara Reddy. ISBN: 978-93-81457-05-4, 2012, Pub: Basava Samithi, Basava Bhavana Benguluru 560001.
| | చందిమరసు వచనాలు | సకలేశ మాదిరాజు (మాదరస) | |