ಲೋಕವಿರೋಧಿ ಶರಣನಾರಿಗಂಜುವನಲ್ಲ

*

ಲಿಂಗವಂತರು ನಾವು ಅಂಜಲದೇಕೆ? ಮಹಾಧೀರ ಶರಣನಂಜ ಕೂಡಲಸಂಗನ ಶರಣ ನಿರ್ಭಯ.

ನ್ಯಾಯ ನಿಷ್ಠುರಿ ದಾಕ್ಷಿಣ್ಯಪರ ನಾನಲ್ಲ.
ಲೋಕವಿರೋಧಿ: ಶರಣನಾರಿಗಂಜುವನಲ್ಲ,
ಕೂಡಲಸಂಗಮದೇವರ ರಾಜತೇಜದಲ್ಲಿಪ್ಪನಾಗಿ. - ಬಸವಣ್ಣ ಸವಸ-1/754 [1]

ನಾನೊಂದು ಕಾರಣಕ್ಕೆ ಮರ್ತ್ಯಕ್ಕೆ ಬಂದೆನು,
ಬಂದ ಬಳಲಿಕೆಯ ಪರಿಹರಿಸಲಿಕ್ಕೆ ಚೆನ್ನಬಸವಣ್ಣ ಬಂದನು,
ಇನ್ನು ಬಾರದಂತೆ ಪ್ರಭುದೇವರು ಬಂದರು,
ಇದಕ್ಕೆ ಆಜ್ಞಾಕರ್ತೃ ಮಡಿವಾಳ ಮಾಚಿತಂದೆ ಬಂದರು,
ನಾನಿನ್ನಾರಿಗಂಜೆನು, ಬದುಕಿದೆನು
ಕಾಣಾ ಕೂಡಲಸಂಗಮದೇವಾ. - ಬಸವಣ್ಣ ಸವಸ-1/1243 [1]

ಲಿಂಗವಶದಿಂದ ಬಂದ ನಡೆಗಳು,
ಲಿಂಗವಶದಿಂದ ಬಂದ ನುಡಿಗಳು
ಲಿಂಗವಂತರು ನಾವು ಅಂಜಲದೇಕೆ?
ಲಿಂಗವಿರಿಸಿದಂತಿಪ್ಪುದಲ್ಲದೆ,
ಕೂಡಲಸಂಗಮದೇವಾ ಭಕ್ತರಭಿಮಾನ ತನ್ನದೆಂಬೆನಾಗಿ. - ಬಸವಣ್ಣ ಸವಸ1/686[1]

ಜಂಬೂದ್ವೀಪ ನವಖಂಡ ಪೃಥ್ವಿಯೊಳಗೆ
ಕೇಳಿರಯ್ಯಾ. ಎರಡಾಳಿನ ಭಾಷೆಯ
ಕೊಲುವೆನೆಂಬ ಭಾಷೆ ದೇವನದಾದರೆ
ಗೆಲುವೆನೆಂಬ ಭಾಷೆ ಭಕ್ತನದು !
ಸತ್ಯವೆಂಬ ಕೂರಲಗನೆ ತಳೆದುಕೊಂಡು
ಸದ್ಭಕ್ತರು ಗೆದ್ದರು ಕಾಣಾ, ಕೂಡಲಸಂಗಮದೇವಾ. --ಬಸವಣ್ಣನವರು

ಜಂಬೂದ್ವೀಪ ಸಹಿತವಾಗಿ ನವಖಂಡದ ಪೃಥ್ವಿಯ ಜನರಲ್ಲ ಗಮನವಿಟ್ಟು ಕೇಳಿರಿ. ಇಬ್ಬರ ಮಧ್ಯದ ಹೋರಾಟವನ್ನು ಭಕ್ತನನ್ನು ಕೊಲ್ಲುವೆ, ಹುಮ್ಮೆಟ್ಟಿಸುವೆ ಎಂಬ ಛಲ ಭಕ್ತನದು. ಅಂತಿಮವಾಗಿ ಗೆಲ್ಲುವರಾರು ಗೊತ್ತೆ ? ಸದ್ಭಕ್ತರೆ ! ಏಕೆಂದರೆ ಪರಮಾತ್ಮನು ನಿರಾಯಧನು ! ಭಕ್ತನ ಕೈಯಲ್ಲೊ ಸತ್ಯ ಎಂಬ ಕೂರಲಗು ಇದೆ.

ಸಂಸಾರವೆಂಬಡವಿಯಲ್ಲಿ ಹುಲಿಯುಂಟು ಕರಡಿಯುಂಟು
ಶರಣನಂಜನಂಜ, ಮಹಾಧೀರ ಶರಣನಂಜನಂಜ
ಕೂಡಲಸಂಗನ ಶರಣರಿಗೆ ನಿರ್ಭಯ.

[1] ಈ ತರಹದ ಸಂಖ್ಯೆಯ ವಿವರ: ಸವಸ-1/754 :- ಸಮಗ್ರ ವಚನ ಸಂಪುಟ -೧, ವಚನ ಸಂಖ್ಯೆ-754 (೧೫ ಸಮಗ್ರ ವಚನ ಸಂಪುಟಗಳು, ಕನ್ನಡ ಪುಸ್ತಕ ಪ್ರಾಧಿಕಾರ, ಬೆಂಗಳೂರು)

ಪರಿವಿಡಿ (index)
*
Previousಲಿಂಗಾಯತರಲ್ಲಿ ಪ್ರತಿಯೊಬ್ಬರು ಲಿಂಗಪೂಜೆ ಮಾಡಬೇಕುಲಿಂಗಾಯತ -ಸಾಹಿತ್ಯNext
Guru Basava Vachana

Akkamahadevi Vachana

[1] From the book "Vachana", pub: Basava Samiti Bangalore 2012.