 | ಶರಣರ ಸ್ವರ ವಚನಗಳು | ಗುರುಲಿಂಗದೊಳಗಣ ಶಿವಲಿಂಗ |  |
ಬೀಜ ಮಂತ್ರ |
ಓಂ ನಮ: ಶಿವಾ ಎಂಬ
ನಾಮದ ಬೀಜವ ನಾಲಿಗೆ ತುದಿಯಲ್ಲಿ ಬಿತ್ತಿರಯ್ಯಾ |ಪ|
ಹೃದಯ ಹೊಲವ ಮಾಡಿ
ಮನದ ನೇಗಿಲ ಹೂಡಿ
ಶ್ವಾಸಕೋಶವೆಂಬ ಎರಡೆತ್ತುಗಳ ಹೂಡಿ
ಜ್ಞಾನೋದಯವೆಂಬ ಹಗ್ಗ ಕಣ್ಣಿಯ ಮಾಡಿ
ನಿರ್ಮಲವೆಂಬ ಕುಂಟೆ ಹೊಡೆಯಿರಯ್ಯಾ |1|
ಮದ ಮತ್ಸರವೆಂಬ ಮರಗಳ ಕಡಿಯುತ
ಕಾಮಕ್ರೋಧವೆಂಬ ಕಳೆಯನೆ ಕಿತ್ತು
ಪಂಚೇಂದ್ರಿಯಗಳ ಮಂಚಿಗೆಯನೆ ಹೂಡಿ
ಚಂಚಲವೆಮಬ ಪಕ್ಷಿ ಹೊಡೆಯಿರಯ್ಯಾ |2|
ಉದಯಾಸ್ತಮಾನವೆಂಬ
ಎರಡು ಕೊಳಗದಲ್ಲಿ
ಆಯುಷ್ಯವೆಂಬ ರಾಶಿ ಅಳೆಯುತ್ತಿದೆ
ಸ್ವಾಮಿ ಶ್ರೀ ಕೂಡಲಸಂಗನ ನೆನೆದರೆ
ಹುಟ್ಟು ಸಾವು ಎಂಬುದಿಲ್ಲವಯ್ಯಾ |3|
ಗ್ರಂಥ ಋಣ:
1. ಡಾ. ಎಲ್. ಬಸವರಾಜು ಸಂಪಾದಿತ “ಶಿವದಾಸ ಗೀತಾಂಜಲಿ”
2. ಕೆ. ರವೀಂದ್ರನಾಥ ಸಂಪಾದಿತ “ಬಸವಯುಗದ ವಚನೇತರ ಸಾಹಿತ್ಯ”
| | ಶರಣರ ಸ್ವರ ವಚನಗಳು | ಗುರುಲಿಂಗದೊಳಗಣ ಶಿವಲಿಂಗ | |