 | ಸತ್ಯ ಸದಾಚಾರ | ಗುರುಪಾದ ಸೇವಾತುರ |  |
ಸರ್ಪಭೂಷಣ ಶಿವಯೋಗಿಗಳ ಕೈವಲ್ಯಗೀತೆ |
ಬಿಡು ಬಾಹ್ಯದೊಳು ಡಂಭವ
ಮಾನಸದೊಳು ಎಡೆಬಿಡದಿರು ಶಂಭುವ
ಮನದೊಳು ವಂಚಿಸಿ ಹೊರಗೆ ನೀ
ಕೀರ್ತಿಯ ಪಡೆದರೆ ಶಿವ ನಿನಗೊಲಿಯನು ಮರುಳೆ ||
ಜನಕಂಜಿ ನಡೆಕೊಂಡರೇನುಂಟು ಲೋಕದಿ
ಮನಕಂಜಿ ನಡೆಕೊಂಬುದೇ ಚಂದ |
ಜನರೇನ ಬಲ್ಲರು ಒಳಗಾಗೋ ಕೃತ್ಯವ
ಮನವರಿಯದ ಕಳ್ಳತನವಿಲ್ಲವಲ್ಲ ||
ಮನದಲಿ ಶಿವ ತಾ ಮನೆಮಾಡಿಕೊಂಡಿಹ
ಮನಮೆಚ್ಚಿ ನಡೆದರೆ ಶಿವ ತಾ ಮೆಚ್ಚುವ |
ಮನಕಂಜಿ ನಡೆಯದೆ ಜನಕಂಜಿ ನಡೆದರೆ
ಮನದಾಣ ಗುರುಸಿದ್ದ ಮರೆಯಾಗುವನಲ್ಲ ||
- ಸರ್ಪಭೂಷಣ ಶಿವಯೋಗಿಗಳು
| | ಸತ್ಯ ಸದಾಚಾರ | ಗುರುಪಾದ ಸೇವಾತುರ | |