ಪಾದೋದಕ (ಕರುಣೋದಕ)

ಪಾದ ಪೂಜೆ

ಪಾದ ಪೂಜೆ ಇದರ ಅರ್ಥ ತುಂಬಾ ಸರಳವಾಗಿದೆ.
ಪಾದ = ಜ್ಞಾನ
ಪೂಜೆ = ಅಭ್ಯಾಸ ಮಾಡುವುದು, ಹೆಚ್ಚು ತಿಳಿದುಕೊಳ್ಳುವುದು, ಆಳವಾಗಿ ಅರಿಯುವುದು.

*"ಪಾದ ಪೂಜೆ = ಜ್ಞಾನವನ್ನು ಹೆಚ್ಚಿಸಿಕೊಳ್ಳುವುದು."*

ಇದನ್ನು ತಪ್ಪಾಗಿ ಅರ್ಥೈಸಲಾಗಿದೆ, ಮಠಾಧೀಶರು ಪಾದ ಪೂಜೆ ಹೆಸರಿನಲ್ಲಿ ತಮ್ಮ ಕಾಲುಗಳನ್ನು ಒಂದು ದೊಡ್ಡ ಪಾತ್ರೆಯಲ್ಲಿ ಇಟ್ಟು, ಒಂದು ದೊಡ್ಡ ಚೊಂಬಿನಿಂದ ಶಿಷ್ಯರಿಂದ / ಭಕ್ತರಿಂದ ತೊಳೆಸಿಕೊಂಡು, ಶುಭ್ರವಾದ ಒಣ ಬಟ್ಟೆಯಿಂದ ಒರೆಸಿ, ವಿಭೂತಿಯನ್ನು ಹಚ್ಚಿ, ಹೂಗಳನ್ನು ಏರಿಸಿ, ಅಗರಬತ್ತಿಯಿಂದ ಬೆಳಗಿಸಿಕೊಂಡು, ಕಾಲಿಗೆ ನಮಸ್ಕರಿಸಿಕೊಳ್ಳುತ್ತಾರೆ.! ಇದು ಪಾದ ಪೂಜೆ ಎಂದು ಹೇಳುತ್ತಾರೆ.!! ಇದು ಅಂಧಕಾರ, ಭ್ರಾಂತಿ, ಗುಲಾಮಗಿರಿ.!

ಸ್ವಾಮಿಗಳಾದವರು, ಗುರುವಿನ ಸ್ಥಾನವನ್ನು ಅರಿತು, ತಮ್ಮ ಭಕ್ತರಲ್ಲಿನ ಜ್ಞಾನವನ್ನು ತಿಳಿಸಬೇಕು, ವಚನಸಾಹಿತ್ಯವನ್ನು ಹೆಚ್ಚು ಅಧ್ಯಯನ ಮಾಡಲು ಹೇಳಬೇಕು., ಕಾಯಕದ ಬಗ್ಗೆ ಅರಿವನ್ನು ಮೂಡಿಸಬೇಕು.ತಮ್ಮ ಮಠಕ್ಕೆ ದೇಣಿಗೆ ಕೇಳುವುದು, ವಸ್ತುಗಳನ್ನು ಕೇಳುವುದು, ದವಸ ಧಾನ್ಯಗಳನ್ನು ಕೇಳುವುದು, ಮಾಡಬಾರದು.!!!

ಇದು ಬಸವ ತತ್ವದ ವಿರುದ್ಧ ನಡೆಯಾಗುತ್ತದೆ, ಭಕ್ತರ ಬೆವರಿನ ಶ್ರಮದಲ್ಲಿ ಬದುಕುವುದು, ಅವಲಂಬಿಸುವುದು, ಬಸವಣ್ಣನವರಿಗೆ ಮಾಡುವ ಅಪಮಾನ.! ಭಕ್ತರು ಕೂಡ ಇದನ್ನರಿತು, ಈ ಮಠಾಧೀಶರನ್ನು ಕಂಡರೆ ಕಾಲಿಗೆ ಬೀಳುವುದು, ದಕ್ಷಿಣೆ ರೂಪದಲ್ಲಿ ಹಣ ಕೊಡುವುದು ಮಾಡಬಾರದು.! ಹಾಗಾದಲ್ಲಿ ಮಠಾಧೀಶರು ಮೆಲ್ಲನೆ ತಮ್ಮ ಖಾವಿ ಬಟ್ಟೆಗಳನ್ನು ಬಿಚ್ಚಿ, ಬಣ್ಣದ ಬಟ್ಟೆ ಧರಿಸಿ, ಯಾವುದಾದರೂ ಗಾರ್ಮೆಂಟ್ಸ ಕೆಲಸಕ್ಕೆ, ಹೊಲದಲ್ಲಿ ಕಸ ಕಿತ್ತೋಕೆ, ಕೂಲಿಗೆ ಹೋಗಬೇಕಾಗುತ್ತದೆ.! ಹಾಗಾದಲ್ಲಿ *"ಕಾಯಕವೇ ಕೈಲಾಸ"* ಖಂಡಿತವಾಗಿ ಆಗುತ್ತದೆ.

ಪಾದೋದಕವೆಂಬುದು ಪರಮಾತ್ಮನ ಚಿದ್ರೂಪು ನೋಡಾ.
ಪಾದೋದಕವೆಂಬುದು ಮೋಕ್ಷದ ಮಾರ್ಗ ನೋಡಾ.
ಪಾದೋದಕವೆಂಬುದು ಪಾಪದ ಕೇಡು ನೋಡಾ.
ಪಾದೋದಕವೆಂಬುದು ಪ್ರಮಥರ ಇರವು ನೋಡಾ.
ಪಾದೋದಕವೆಂಬುದು ಕಪಿಲಸಿದ್ಧಮಲ್ಲಿಕಾರ್ಜುನನ ಮಹಿಮೆನೋಡಾ. - 3/769^[#]

ಲಿಂಗೋದಕ ಪಾದೋದಕ ಪ್ರಸಾದೋದಕವೆಂದು ತ್ರಿವಿಧ:
ಲಿಂಗೋದಕವೆಂಬುದು ಶಿವಸಂಸ್ಕಾರದಿಂದಾದುದು,
ಪಾದೋದಕವೆಂಬುದು ಲಿಂಗಕ್ಕೆ ಮಜ್ಜನಕ್ಕೆರೆದುದು,
ಪ್ರಸಾದೋದಕವೆಂಬುದು ಲಿಂಗವಾರೋಗಿಸಿದ ಬಳಿಕ ಸಿತಾಳಂಗೊಟ್ಟುದು.
ಲಿಂಗೋದಕದಲ್ಲಿ ಲಿಂಗಕ್ಕೆ ಪಾಕಪ್ರಯತ್ನ, ಮಜ್ಜನಕ್ಕೆರೆವುದು.
ಪಾದೋದಕದಲ್ಲಿ ಮುಖಪಕ್ಷಾಲನವ ಮಾಡುವುದು,
ಶಿರಸ್ಸಿನ ಮೇಲೆ ತಳಿದುಕೊಂಬುದು.
ಪ್ರಸಾದೋದಕವನಾರೋಗಿಸುವುದು- ಇಂತೀ ತ್ರಿವಿಧೋದಕ.
ದಾಸೋಹ ಷಟ್-ಪ್ರಕಾರ ವರ್ತಿಸುವುದು;
ಭಕ್ತನಿಂದೆಯ ಮಾಡಲಾಗದು, ಆಚಾರನಿಂದೆಯ ಮಾಡಲಾಗದು.
ಹುಸಿಯಿಲ್ಲದಿದ್ದಡೆ ಭಕ್ತನು-
ಇಂತಿದು ಭಕ್ತಸ್ಥಲ ಕೂಡಲಚೆನ್ನಸಂಗಮದೇವಾ -4/1546 ^[#]

ಇಲ್ಲಿ ಪಾದವೆಂದರೆ ಲಿಂಗ, ಪಾದಪೂಜೆಯೆಂದರೆ ಲಿಂಗಪೂಜೆ, ಪಾದೋದಕವೆಂದರೆ ಲಿಂಗದ ಮೇಲೆ ಹಾಕಿದ ನೀರು, ಆ ನೀರನ್ನು ಕುಡಿಯುವುದು ನಾವು ಲಿಂಗಸಾಧನೆಯನ್ನು ಮಾಡುವಾಗ ಶಕ್ತಿಕಣಗಳು ಲಿಂಗದ ಮೇಲ್ಮೈ ಮೇಲೆ ಸಂಗ್ರಹವಾಗಿರುತ್ತವೆ. ನಾವು ಬಲಗೈ ತುದಿ ಬೆರಳನ್ನು ಪಾದೋದಕ ಬಟ್ಟಲಿನಲ್ಲಿ ಅದ್ದ ನಿಧಾನವಾಗಿ ಮೂರು ಬಾರಿ ಲಿಂಗದ ಮೇಲೆ ಹಾಕಬೇಕು. ನಂತರ ಲಿಂಗವನ್ನು ಹಸ್ತದಿಂದ ತುದಿ ಬೆರಳಿನವರೆಗೆ ಸರಿಸಿ, ಅಂಗೈ ಮಧ್ಯದಲ್ಲಿ ಶೇಖರಿಸಿದ ಪಾದೋದಕವನ್ನು ಚಲ್ಲದ ಹಾಗೆ ನಿಧಾನವಾಗಿ ಕುಡಿಯಬೇಕು. "ಕರಸ್ಥಲದ ಲಂಗವೂ ಕೂಡಾ ಮಣಿ, ಮಂತ್ರ, ಔಷಧಗಳಿಂದ ಕೂಡಿದ್ದಾಗಿ ಇದಕ್ಕೆ ಬಾಹ್ಯ ಪಾದೋದಕ ಎನ್ನುತ್ತಾರೆ. ಆದರೆ ಬಸವಲಿಂಗ ಸಾಧನೆಯಿಂದ ಪೀನಿಯಲ್ ಗ್ರಂಥಿ (ಬ್ರಹ್ಮರಂಧ್ರ)ಯಿಂದ (Third Eye - Pineal Gland )ಅಮೃತ (ಮೆಲೆಟಾನಿನ್) (Melatonin , The Pineal Gland and Melatonin , Melatonin-Brain Harmone) ಸ್ರವಿಸುವಿಕೆಯು ನಿಜವಾದ ಪಾದೋದಕವಾಗಿದೆ".

ದೇಹದೊಳಗಣ ದೇಹಿಯೆನ್ನಬಹುದೆ ನಿಮ್ಮ ಶರಣನ?
ಅನ್ನ ಪಾನಾದಿಗಳೊಗಣ ಅನ್ನಪಾನವೆಂದೆನ್ನಬಹುದೆ ಪ್ರಸಾದವ?
ಎನಬಾರದಯ್ಯಾ, ಎನ್ನ ತಂದೆ!
ಸಾಧನದೊಳಗಣ ಸಂಯೋಗವೆಂತಿದ್ದುದು ಅಂತಿದ್ದುದಾಗಿ.
ಇದು ಕಾರಣ, ಶೃತಿ ಸ್ರ್ಮತಿಗಗೋಚರ
ಕೂಡಲಚೆನ್ನಸಂಗಮದೇವಾ ನಿಮ್ಮ ಶರಣರು. - 4/641 ^[#]

ಶರಣನು ಮಾನವ ಶರೀರದಲ್ಲೇ ಇರಬಹುದು. ಆದರೆ ಅವನು ಸಾಮಾನ್ಯ ಮಾನವನಲ್ಲ ; ಪಾದೋದಕ ನೀರೇ ಆಗಿರಬಹುದು. ಅದು ಸಾಮಾನ್ಯ ನೀರಲ್ಲ ; ಪ್ರಸಾದವು ಅನ್ನರೂಪದಲ್ಲೇ ಇರಬಹುದು, ಅದು ಸಾಮಾನ್ಯ ಅನ್ನವಲ್ಲ. ಪದಾರ್ಥದಲ್ಲೇ ಕೃಪೆ ಸಂಯೋಗವಾಗಿರುವಂತೆ ಶರಣರಲ್ಲಿ ಪರಮಾತ್ಮನ ಕೃಪೆ ಅವತೀರ್ಣವಾಗಿರುತ್ತದೆ.