ಗುರುಬಸವ ನಾ ನಿನ್ನ ಚರಣವನು ನಂಬಿರುವೆ
|
|
*
ಗುರುಬಸವ ನಾ ನಿನ್ನ ಚರಣವನು ನಂಬಿರುವೆ
ಗುರುಬಸವ ನಾ ನಿನ್ನ ಚರಣವನು ನಂಬಿರುವೆ
ನಿರುತವೂ ಕಾಯೊ ನೀ ಭಕ್ತಜನ ಬಂಧು!
ಕಾರುಣ್ಯ ನಿಧಿ ನೀನು ಭಕ್ತರಿಗೆ ಸುರಧೇನು
ವಾತ್ಸಲ್ಯ-ಮಮತೆಗಳ ಅಮೃತದ ಸಿಂಧು |
ಈ ಇಳೆಯ ಕತ್ತಲೆಯ ತೊಡೆಯಲೆಂದು ಬಂದೆ
ವಿಶ್ವಪ್ರೇಮದ ಬೆಳೆಸ ಬೆಳೆಯಲೈತಂದೆ |
ಇವನಾರು ಇವನಾರು ಎಂಬ ಭೇದವ ಜರಿದು
ಲೋಕವೆನ್ನದು ಎಂದ ವಿಶ್ವಧರ್ಮಿ |
ನಂಬಿದವರಿಗೆ ಇಂಬು ನಿನ್ನ ಹೃನ್ಮಂದಿರ
ಬಾಳ ಪಥಿಕನಿಗದುವೆ ಮಮತೆಯ ಹಂದರ |
ನಿನ್ನ ನಾಮಸ್ಮರಣೆ ಅತಿಮಧುರ ಹೆಚ್ಚೇನು
ಬನ್ನ ತೊಡೆಯುವ ನೀನು ದಿವ್ಯ ಗುರುಭಾನು |
ನಡೆವಾಗ ನುಡಿವಾಗ ಬಸವ ನಿನ್ನ ಸ್ಮರಣೆ
ಕೊಡುವಾಗ ಕೊಂಬಾಗ ತವ ನೆನಹಿನ ಪಾನ |
ಮಂತ್ರಮರುಷನೆ ನಿನ್ನ ಚರಣಾರವಿಂದ
ಸಚ್ಚಿದಾನಂದದ ನೆಲೆಯು ಮುಕ್ತಿಯ ಮನೆಯು
- ✍ ಪೂಜ್ಯ ಶ್ರೀ ಮಹಾಜಗದ್ಗುರು ಡಾ|| ಮಾತೆ ಮಹಾದೇವಿ.
*
