ಹೂವ ಸೂರ‍್ಯಾಡೋಣ ಸದ್ಗುರುವಿನ ಮೇಲೆ
|
|
- ✍ ಪೂಜ್ಯ ಶ್ರೀ ಮಹಾಜಗದ್ಗುರು ಡಾ|| ಮಾತೆ ಮಹಾದೇವಿ.
ಗುರುವಿಗೆ ಪುಷ್ಪಾರ್ಚನೆ
ಹೂವ ಸೂರ‍್ಯಾಡೋಣ ಸದ್ಗುರುವಿನ ಮೇಲೆ
ಶ್ರೀ ಗುರುವಿನ (ಶ್ರೀ ಮಾತೆಯ) ಮೇಲೆ ಹೂವ ಸೂರಾಡೋಣ || ಪ ||
ಜಡದೇಹದಿ ತಾ ಮೃಡನನು ತೋರುತ
ಕಡಲನು ದಾಂಟಿಪ ಪಾವನ ಮೂರ್ತಿಯ ಮೇಲೆ || ೧ ||
ಲೋಕವ ಬೆಳಗುವ ಸೂರ‍್ಯಾಧಿಪನೊಲು
ಮರೆವಿನ ತಿಮಿರವ ತೊಡೆವ ಸದ್ಗುರು ತಾನು || ೨ ||
ಎದೆ ಹಾಲೀಯುತ ಪೋಷಿಪ ತಾಯೊಲು
ಮುದದಿಂ ಅರಿವನು ನೀಡ್ವ ಗುರುವಿನ ಮೇಲೆ || ೩ ||
ಗಂಗಾಧರನೊಲು ಕರುಣೆಯ ಹರಿಸುತ
ಮನವನು ತಣಿಸುವ ಮಂಗಳ ಮೂರ್ತಿಯ ಮೇಲೆ || ೪ ||
ಪ್ರಣವ ಪಂಚಾಕ್ಷರಿಯ ಪ್ರತಿರೂಪ ತಾನಾಗಿ
ಮಿನುಗುವ ಶಶಿಯಹ ಸದ್ಗುರುದೇವನ ಮೇಲೆ || ೫ ||
ಸಚ್ಚಿದಾನಂದದ ಚಿತ್ಕಳೆ ತಾನಾಗಿ
ನಿಚ್ಚಳ ಹೃದಯದ ಶ್ರೀ ಗುರುವಿನ ಮೇಲೆ
