ಸವಿಯೊ ಸವಿಯೊ ಸವಿಯೊ ಸವಿಯೊ ಸವಿಯೊ ಲಿಂಗವೇ
|
|
- ✍ ಪೂಜ್ಯ ಶ್ರೀ ಮಹಾಜಗದ್ಗುರು ಡಾ|| ಮಾತೆ ಮಹಾದೇವಿ.
ಸವಿಯೊ ಸವಿಯೊ ಸವಿಯೊ ಸವಿಯೊ ಸವಿಯೊ ಲಿಂಗವೇ
ಸವಿಯೊ ಸವಿಯೊ ಸವಿಯೊ ಸವಿಯೊ ಸವಿಯೊ ಲಿಂಗವೇ
ಹೃದಯದೊಲವಿನ್ದಾಲ ನೀನು ಸವಿಯೊ ಲಿಂಗವೇ || ಪ ||
ಕಾಮಧೇನು ನೀನಾಗಿ ಲೋಕವೆಲ್ಲ ಸಲಹುತಿರಲು
ಭಕ್ತಿಧೇನು ನಾನಾಗಿ ನಿನಗೆ ಹಾಲನೀವೆನು || ೧ ||
ಕಲ್ಪತರುವು ನೀನಾಗಿ ಲೋಕಕಾಶ್ರಯ ಕೊಡಲು
ದೀನಶಿಲ್ಪಿ ವಕ್ಷದೊಳಗೆ ನಿನಗೆ ಗುಡಿಯ ಕಟ್ಟುವೆ || ೨ ||
ದಾನಿ ನೀನು ಲೋಕಕೆಲ್ಲ ದೀನೆ ನಾನು ಲೋಕದಲ್ಲಿ
ಚೆನ್ನಮನದಿ ಒಲವಿನ್ಹಾಲ ನಿನಗೆ ಸಲಿಸುವೆ || ೩ ||
ಬಾರೊ ಬಾರೊ ಬಾರೊ ಬಾರೊ ಬಾರೊ ಲಿಂಗವೇ
ಸವಿಯೊ ಸವಿಯೊ ಒಲವ | ಸಚ್ಚಿದಾನಂದ ಲಿಂಗವೆ || ೪ ||
