ಮಹಾಲಿಂಗ

ಮಹಾಲಿಂಗ

ಅನೇಕ ಶರಣರ ಪ್ರಕಾರ, ಮಹಾಲಿಂಗವೆಂದರೆ, ನಿಷ್ಕಲ ಲಿಂಗ ಮಹಾಲಿಂಗನಿಂದ ಐದು ಶಕ್ತಿ, ಐದು ಭಕ್ತಿ, ಐದು ಅಧಿದೇವತೆಗಳು, ಇತ್ಯಾದಿ ಉತ್ಪತ್ತಿಯಾಗುತ್ತವೆ. ಆದರೆ ತೋಂಟದ ಸಿದ್ದಲಿಂಗ ಶಿವಯೋಗಿಗಳ ಪ್ರಕಾರ, ಸ್ವಪ್ರಜ್ಞೆಯಿಲ್ಲದ ಪರಶಿವನೇ ಶೂನ್ಯಲಿಂಗ, ಸ್ವಪ್ರಜ್ಞೆ ಉಂಟಾಗಿ ಅವನಲ್ಲಿ ಸೃಷ್ಟಿಮಾಡಬೇಕೆಂಬ ಇಚ್ಛೆ ಉಂಟಾದರೆ, ಅವನು ನಿಃಕಲ ಲಿಂಗ ಎನಿಸಿಕೊಳ್ಳುತ್ತಾನೆ. ನಿಃಕಲ ಲಿಂಗದಲ್ಲಿ ಆ ಇಚ್ಛೆ ಉಂಟಾದ ಕೂಡಲೆ ಅದರಿಂದ ಚಿತ್ತು ಉತ್ಪತ್ತಿಯಾಗಿ, ಇದರಿಂದ ಅ, ಉ, ಮಕಾರಗಳು ಉತ್ಪತ್ತಿಯಾಗಿ, ಚಿತ್ತು ಆ ಮೂರಕ್ಷರಗಳನ್ನು ಕೂಡಿಕೊಂಡು ಪ್ರಣಮವೆನಿಸಿಕೊಳ್ಳುತ್ತದೆ. ಆ ಓಂಕಾರವೆಂಬ ಪ್ರಣಮವೇ ಅಖಂಡ ಪರಿಪೂರ್ಣ ಗೋಳಕಾಕಾರ ತೇಜೋಮಯ ಮೂರ್ತಿಯಪ್ಪ ಮಹಾಲಿಂಗ". (೧೧:೩೩)

ಹೀಗೆ ತೋಂಟದ ಸಿದ್ಧಲಿಂಗ ಶಿವಯೋಗಿಗಳ ಪ್ರಕಾರ ಮಹಾಲಿಂಗವೂ ಒಂದು ಉತ್ಪತ್ತಿಯೇ ಹೊರತು, ಅದೇ ಸೃಷ್ಟಿಕರ್ತನಲ್ಲ. ಆದರೆ, ಸೃಷ್ಟಿಗೆ ಬೇಕಾದ ಉಪಾದಾನ ಕಾರಣಗಳೆಲ್ಲವೂ ಮಹಾಲಿಂಗದಲ್ಲಿ ಅಡಕವಾಗಿವೆ. ಪಂಚಶಕ್ತಿಯನು, ಪಂಚಸಾದಾಖ್ಯವನು, ಪಂಚಕಲೆಗಳನು, ಪಂಚಾಕ್ಷರಗಳನು, ಪಂಚಭೂತಾತ್ಮವನು ತನ್ನಲ್ಲಿ ಗರ್ಭಿಕರಿಸಿಕೊಂಡು ತಾನು ಚಿದ್‌ಬ್ರಹ್ಮಾಂಡಾತ್ಮಕನಾಗಿ" (೧೧:೩೬), ಸರ್ವವ್ಯಾಪಕನಾಗಿದ್ದಾನೆ. ಹೀಗೆ ಅನಂತ ಕೋಟಿ ಬ್ರಹ್ಮಾಂಡಗಳನ್ನು ಮಹಾಲಿಂಗ ಗರ್ಭೀಕರಿಸಿಕೊಂಡಿದ್ದರೂ ಅವನಿಗೆ ಕರ ಚರಣಾದ್ಯವಯಂಗಳಿಲ್ಲ" (೧೧:೩೪). ಅಂತೂ, ಸೃಷ್ಟಿ ಪೂರ್ವಸ್ಥಿತಿಯ ಶಿವನ ಒಂದು ಅವಸ್ಥೆಯೇ ಮಹಾಲಿಂಗ,

ಈ ಮಹಾಲಿಂಗ ತಾನೊಬ್ಬನೇ, ಅಂದರೆ ಕೇವಲ ಇಚ್ಛಾಮಾತ್ರದಿಂದ ಸೃಷ್ಟಿಸಲಾರ. ಅವನಿಗೆ ಹಾಗೆ ಮಾಡಲು ಶಕ್ತಿ ಬೇಕು. ಶಕ್ತಿಯೂ ಸಹ ಆ ಸ್ಥಿತಿಯಲ್ಲಿ ನಾಮ ರೂಪಗಳಿಲ್ಲದ ಅವ್ಯಕ್ತಸ್ಥಿತಿಯಲ್ಲಿದ್ದು, ಮಹಾಲಿಂಗನ ಒಂದು ಅವಿಭಾಜ್ಯ ಅಂಗವಾಗಿದೆ. ಪರಶಿವನ ಆ ಅವಸ್ಥೆಗೆ ಮಹಾಲಿಂಗ ಎಂಬ ಹೆಸರು. ಹೇಗೆ ಅನ್ವಯವಾಗುತ್ತದೆಯೋ ಹಾಗೆ ಶಕ್ತಿಯ ಆಗಿನ ಅವಸ್ಥೆಗೆ ಚಿಚ್ಛಕ್ತಿ (ಚಿತ್‌ಶಕ್ತಿ) ಎಂಬ ಹೆಸರು ಅನ್ವಯವಾಗುತ್ತದೆ. (ನೋಡಿ : ಚಿತ್ತು, ನಿಃಕಲ ಲಿಂಗ, ಶಕ್ತಿ).

೧. ಶೂನ್ಯಸ್ಥಿತಿಯಿಂದ ಉತ್ಪತ್ತಿಯಾದ ಆದಿಲಿಂಗ; ಸೃಷ್ಟಿ ಸ್ಥಿತಿ ಲಯಗಳಿಗೆ ಕಾರಣವಾದ ಮೂಲಶಿವತತ್ತ್ವ; ಶೂನ್ಯದಿಂದ ಪ್ರಕಟಗೊಂಡ ಮೂಲಚಿತ್ತು ಸರ್ವವ್ಯಾಪಿಯಾದುದು. ಅನಂತರ ಉದಯಿಸಿದ ನಾದ, ಬಿಂದು, ಕಲೆಗಳು ಮೂಲಚಿತ್ತುವಿನೊಂದಿಗೆ ಬೆರೆತಾಗ ಓಂಕಾರಪ್ರಣವ ಅಥವಾ ಮಹಾಲಿಂಗವು ಉತ್ಪತ್ತಿಯಾಯಿತು. ಇದು ಅತ್ಯಂತ ತೇಜೋಮಯವೂ ಚೈತನ್ಯಸ್ವರೂಪವೂ ಗೋಳಕಾಕಾರವೂ ಆದುದು. ಪಂಚಸಾದಾಖ್ಯಗಳು, ಪಂಚಶಕ್ತಿಗಳು, ಪಂಚಭೂತಗಳು, ಪಂಚಕಲೆಗಳು ಮುಂತಾದುವನ್ನು ತನ್ನಲ್ಲಿ ಅಡಗಿಸಿಕೊಂಡಿದ್ದು ಸೃಷ್ಟಿಯ ಕಾರ್ಯಗಳಿಗೆ ಕಾರಣವೆನಿಸಿದುದು ಈ ಮಹಾಲಿಂಗ; ಸರ್ವಶೂನ್ಯ ಸ್ಥಿತಿಯ ವಿಕಾಸದಲ್ಲಿ ಶೂನ್ಯಲಿಂಗ ನಿಷ್ಕಲಲಿಂಗ ಪದ, ಮಹಾಲಿಂಗ ಎಂಬ ಸ್ಥಿತಿಗಳಲ್ಲಿ ಒಂದು ; ಅಖಂಡಾದ್ವಯ ನಿತ್ಯನಿರವಯ ಪರಿಪೂರ್ಣ ಸಚ್ಚಿದಾನಂದವಪ್ಪ ನಿಷ್ಕಲಲಿಂಗವು ತಾನು ನಿಷ್ಕಲನಾಗಿ ನಿರವಯದಲ್ಲಿ ಬಯಲುಗನಾಗಿ ಇರಬಾರದೆಂದು ಧ್ಯಾನ ಪೂಜೆಗಳಿಲ್ಲದೆ ಇರಬಾರದೆಂದು ತನ್ನ ಸ್ವಇಚ್ಛಾಲೀಲಾ- ವಿಲಾಸದೋಟೆ ನೆನೆವ ನೆನಹು ಮಾತ್ರದಲ್ಲಿಯೇ ತನ್ನ ಚಿತ್ಪಭಾಸಾಮರ್ಥ್ಯ ಶಕ್ತಿಯ ಮುಂದುಗೊಂಡು ಅಖಂಡತೇಜೋಮೂರ್ತಿಯಪ್ಪ ಮಹಾಲಿಂಗವಾಯಿತ್ತು (ಲಿಂಗಲೀ, ೧೧-೫);

೨; ಆಚಾರಲಿಂಗ, ಗುರುಲಿಂಗ, ಶಿವಲಿಂಗ, ಜಂಗಮಲಿಂಗ, ಪ್ರಸಾದಲಿಂಗ ಮತ್ತು ಮಹಾಲಿಂಗ ಎಂಬ ಆರುವಿಧ ಲಿಂಗಗಳಲ್ಲಿ ಒಂದು; ಈ ಷಡ್ವಿಧಲಿಂಗಗಳು ಅನುಕ್ರಮವಾಗಿ ಭಕ್ತ ಮಹೇಶ, ಪ್ರಸಾದಿ, ಪ್ರಾಣಲಿಂಗಿ, ಶರಣ ಮತ್ತು ಐಕ್ಯ ಎಂಬ ಷಟ್‌ಸ್ಥಲಗಳೊಡನೆ ಸಂಬಂಧಿಸಿದ್ದು, ಐಕ್ಯನಲ್ಲಿ ಮಹಾಲಿಂಗವು ನೆಲಸುತ್ತದೆ. ಮನುಷ್ಯನ ಕ್ರಿಯೆಗಳಿಗೆ ಕಾರಣವಾದ ಚಿತ್ರ ಶುದ್ಧಿ, ಬುದ್ಧಿ, ಅಹಂಕಾರ, ಮನ, ಜ್ಞಾನ ಮತ್ತು ಭಾವ ಎಂಬುವುಗಳಿಗೆ ಅನುಕ್ರಮವಾಗಿ ಷಡ್ವಿಧಲಿಂಗಗಳು ಸಂಬಂಧಪಡುತ್ತವೆ. ಇದರಲ್ಲಿ ಅಂಡಜ, ಪಿಂಡಜ ಮತ್ತು ಬಿಂದುಜ ಎಂಬ ಮೂರು ಪ್ರಕಾರಗಳಿವೆ. ಅಲ್ಲದೆ ಇದರಲ್ಲಿ ಆತ್ಮನ ಸ್ಥಿತಿಗಳಿಗೆ ಸಂಬಂಧಿಸಿದಂತೆ ಪಿಂಡಾಕಾಶ, ಬಿಂದ್ವಾಕಾಶ, ಮಹದಾಕಾಶ, ಭಾವಗಮ್ಮ, ಸರ್ವತತ್ವಾಶ್ರಯ ಮತ್ತು ಪರಿಪೂರ್ಣಪ್ರಕಾಶ ಎಂಬ ಆರು ಪ್ರಕಾರಗಳಿವೆ ; ಆಚಾರಲಿಂಗವಿಡಿದು ಗುರುಲಿಂಗವ ಕಾಣಬೇಕು ...ಪ್ರಸಾದಲಿಂಗವಿಡಿದು ಮಹಾಲಿಂಗವ ಕಾಣಬೇಕು (ಅಲ್ಲಮ. ಸಮವ. ೨-೨೫೫-೮೬೭); ಐಕ್ಯನೆಂಬ ಅಂಗಕ್ಕೆ ಮಹಾಲಿಂಗ ಭಾವವೆ ಹಸ್ತ ಹೃದಯವೇ ಮುಖ ಸಮರಸವೇ ಭಕ್ತಿ ಚಿಚ್ಛಕ್ತಿ ತೃಪ್ತಿಯ ಅರ್ಪಿತ ಪರಿಣಾಮವೇ ಪ್ರಸಾದ (ಚೆನ್ನಬ, ಸಮವ. ೩-೩೨೦-೯೮೬);

೩. ಪೂಜೆಗಾಗಿ ಪ್ರತಿಷ್ಠಾಪಿಸಲ್ಪಟ್ಟ ಲಿಂಗ; ಸ್ಥಾವರಲಿಂಗ;

೪ ಪರಶಿವ ; ಕನೈಯಲ್ಲಿ ಕೈವಿಡಿದೆನು ನಿಮ್ಮಲ್ಲಿ ನೆರೆದೆನು ಮನ್ನಿಸು ಕಂಡಾ ಮಹಾಲಿಂಗವೆ ಸತಿಯಾನು ಪತಿ ನೀನಯ್ಯಾ (ಬಸವ. ಸಮವ. ೧-೧೨೨-೫೦೫).