ನಾದ

ನಾದ

೧. ಧ್ವನಿ; ಶಬ್ದ : ಭ್ರಮರ, ವೇಣು, ಘಂಟಾ, ಭೇರೀ, ಮೇಘ, ಪ್ರಣಮ್, ದಿವ್ಯ, ಸಿಂಹ, ಮಹತ್ ಇವು ನಾದಗಳು, ಯೌಗಿಕಚಿಹ್ನೆಗಳು (ಶಿವಾಕೋ. ೧೯೨-೩೪೨).

೨ ಬ್ರಹ್ಮಸ್ವರೂಪವಾದ ಧ್ವನಿವಿಶೇಷ : ಮೂರುತೆರನಾಗಿ ಕಳೆ ನಾದ ವರಬಿಂದುವೆಂದು ಭೇದಿಸಿದಾದಿದೇಶಿಕನ ಚರಣಾಂಬುಜಕ್ಕೆ ಶರಣು (ಶಿವಚಂ. ೫೦-೧೯).

೩. ಪ್ರಪಂಚ ಸೃಷ್ಟಿಗೆ ಕಾರಣವಾದ ನಾದ, ಬಿಂದು ಮತ್ತು ಕಳೆ ಎಂಬ ಮೂರು ಪ್ರಕಾರದ ಅವಸ್ಥೆಗಳಲ್ಲಿ ಒಂದು; ಶೂನ್ಯದಿಂದ ನಾದದ ಉತ್ಪತ್ತಿಯಾಗುತ್ತದೆ. ಇಲ್ಲಿ ನಾದವೆಂದರೆ ಒಂದು ಬಗೆಯ ಚಲನೆ. ಈ ಚಲನೆಯಿಂದಾಗಿ ಬಿಂದುವಿನ ಉದಯವಾಗುತ್ತದೆ. ಇವೆರಡೂ ಪರಸ್ಪರ ಪೂರಕವಾಗಿರುವಂಥವು. ಇವೆರಡೂ ಒಮ್ಮೆಗೇ ಪ್ರಕಟಗೊಂಡಾಗ ಕಲೆಯು ಉತ್ಪತ್ತಿಯಾಗುತ್ತದೆ. ಈ ಮೂರರಿಂದ ಜಗತ್ತಿನ ಸಕಲ ವ್ಯಾಪಾರಗಳೂ ಜರಗುತ್ತವೆ: ನಾದ ಮುನ್ನವೊ ಬಿಂದು ಮುನ್ನವೊ ಕಾಯ ಮುನ್ನವೊ ಜೀವ ಮುನ್ನವೊ (ಅಲ್ಲಮ, ಸಮವ. ೨-೧೭೮-೬೫೯); ಹದಿನಾಲಕಳೆಯ ಪ್ರಭೆಯ ಮುಸುಕಿದ ನಾದವನ್ನು ನಾದದಿ ಬಿಂದು ಕಳೆಯನೊಂದು ಮಾಡಿ ನಿನಾದಬಾಷ್ಯವಿಡಿದುದಪ್ರಶಿಖಾ ಎಂದೆನೆ (ಹಿರಿಮಂ. ೬೮೭-೧೭); ನಾದದೊಳಗಣ ಚಿನ್ನಾದವ ತೋರಿಸಯ್ಯ ಬಿಂದುವೊಳಗಣ ಚಿಪ್ಪಿಂದುವ ತೋಣಿಸಯ್ಯ ಕಲೆಯೊಳಗಣ ಚಿತ್ಕಲೆಯ ತೋರಿಸಯ್ಯ (ಜಕ್ಕಣ. ಸಮವ. ೧೦-೬೬೩-೧೫೧೭).

೪. "ನಮಃಶಿವಾಯ" ಎಂಬ ಪವಿತ್ರಮಂತ್ರದ ಪಠಣ; ಶಿವಮಂತ್ರದ ಜಪ : ಆದಿಅಕ್ಷರವನ್ನು ಆರೈದು ತೋಜೆದಿರಿ ಓರಂತೆ ಎನ್ನ ಸದುಹೃದಯನೆನಿಸಿ ನಾದಕಳೆಗಳನನ್ನ ಆದಿಕರದೊಳಗಿಟ್ಟು (ಸಿದ್ಧರಾ, ಸಮವ. ೪-೩೮-೧೩೪).

೫. ಪರಶಿವ : ನಾದವೇ ಲಿಂಗ ಬಿಂದುವೇ ಪೀಠನಾಗಿ ಶಿವಶಕ್ತಿ ಸಂಪುಟವಾದ ಪಂಚಮದ ಕರ್ಮೇಶ ಲಿಂಗನಿರ್ವಯಲ ಪಿಂಡ ಅಂಗವೆಂಬ ಪಿಂಡ ತದ್ರೂಪವನೆಯ್ದೆ ಪರಿಪೂರ್ಣಪಿಂಡಾಕಾಶರೂಪ ತಾನಾಗಿ (ಮೋಳಿಗೆ, ಸಮವ. ೮-೩೦೭-೯೮೭);