 | ಬಂದನು ಮರ್ತ್ಯಕೆ | ಕಾಯೈ ಕಾಯೈ |  |
ಆರು ಕಾಣರು ಪುಣ್ಯಕ್ಷೇತ್ರವನು |
ಧಾರುಣಿಯನು ತಿರುಗುವರೈಸೆ - ಅಲ್ಲಿ
ಆರು ಕಾಣರು ಪುಣ್ಯಕ್ಷೇತ್ರವನು || ಪ ||
ಗಗನಗಿರಿಯ ಶಿಖರದ ಮೇಲೆ - ಅಲ್ಲಿ
ಸೊಗಸುವ ರತ್ನಮಂಟಪದೊಳು
ಝಗಝಗಿಸುವ ಶಶಿಸೂರ್ಯಪ್ರಭೆ -ಅಲ್ಲಿ
ಅಗಲದೆ ಬೆಳಗುವ ತೇಜ || ೧ |
ಶಂಖ ಕಿನ್ನರಿ ನಾಗಸರ ವೀಣೆ - ಅಲ್ಲಿ
ಝೇಂಕರಿಸುವ ಘಂಟೆಜಾಗಟೆ
ಕಿಂಕಿಣಿಭೇರಿದುಂದುಭಿಯೊಲು - ಅಲ್ಲಿ
ಓಂಕಾರನಾದವಾಗುತಲಿದೆ || ೨ ||
ತೊಳಗುವ ಚಂದ್ರಾರ್ಕ ಮಿಂಚಿನ - ಅಲ್ಲಿ
ಬೆಳಗ ಕೀಳ್ಪಡಿಸುತ ಬೆಳಗುತ
ಒಲಿದ ಷಡಕ್ಷರಲಿಂಗವು - ಅಲ್ಲಿ
ನೆಲಸಿರ್ಪ ಭೇದವನರಿಯದೆ || ೩ ||
| | ಬಂದನು ಮರ್ತ್ಯಕೆ | ಕಾಯೈ ಕಾಯೈ | |